الدرس ١٢: هدية على صبرك!

هدية على صبرك!

هدية على صبرك!

تغيير ألوان موجه الأوامر


حأعلمك كيف تغير ألوان موجه الأوامر.

١- افتح موجه الأوامر.

٢- استخدم هذي الأكواد:

color fc
color cf
color 46
color 4f

كيف نعرف نحدد مثلاً لون أخضر للخط ولون أسود للخلفية؟

٣- استخدم هذا الكود:

color /?

٤- ركِّز على هذي:

اللون الأحمر = 4، الأزرق الفاتح = 9، الأسود = 0، الأخضر الفاتح = a، الأبيض الفاتح = f


أكيد الصورة تعور العيون 👀. الأفضل تروح لموجه الأوامر إللي إنت فاتحه وتقرا الألوان وأكوادها.

خل نختار اللون الأخضر (a) واللون الأسود (0).

٥- استخدم هذا الأمر:

color 0a

٦- اعكس أماكن الألوان (يعني استخدم الأمر color a0).

كذا عرفنا أن أول لون للخلفية والثاني للخط.

ملاحظة: إذا بغيت ترجع للألوان القديمة، عندك طريقتين:

إما تقفل موجه الأوامر وتفتحه مرة ثانية

أو

تستخدم الأمر exit وتفتح موجه الأوامر مرة ثانية

أو

تستخدم الأمر color.

الأمر color a0 يعطيك جو مثل الهاكر. أنا ما أعرف كثير في الأمن السيبراني بس حأعلمك حاجات بسيطة جداً فيه. وحأسوي ألعاب تختبر قدرتك كمبرمج ومستخدم للوندوز. تقدر إنت بعد تسوي تحديات بسيطة بينك وبين زملائك إللي بيستخدموا هذا الموقع.

تدري أن عندي لابتوب فيه فايروس يحول الصور لمفات تالفة؟

السالفة هي أن أتحمل برنامج إسمه 7z (برنامج ضغط الملفات). بس هذا البرنامج ما كان 7z (كان فيروس بس الهكر سمَّاه 7z). بعد ما أشتغل البرنامج على اللابتوب، كل الصور ما صارت تفتح.

الحمد لله قدرت أحذف حوالي ٩٥% من الفايروس (الفضل لله ثم خبرتي في الدعم الفني والبرمجة والتعليم الذاتي).

المهم بقيت لي مهمة وحدة وهي إسترجاع الصور. إذا قدرت أسترجعها، حأقدر أسمي نفسي خبير أمن سيراني.

بعد ما أسترجع الصور، حأحط موضوع خاص بهذا الشي في موقعي. وحتصير أخطر من أول! 😎

هدية على صبرك!